Kuch lamhe, kuch baaten
Kuch sahmi sahmi aahen
Vo doori, vo darpan
Rukhi rukhi aashayen
Kuch minnat, kuch dhara
Muskil me ab sansara re
Muskil me ab sansara aaa
***
Band padi mahino se andar
Char pahiye ki car hai…
Khud se baaten karta banda
Ghar me bas deewar hai…
Lockdown me aadhi janta
Depression ka sikar hai
Gai jamana curfew me
Ab durdarshan laachar hai
***
Kitne aaye chale gaye
Par garmi kabhi na aaya tha
Mehnat kash ki vo dupahari
Dharti na tharraya tha
Desh ki dharti urvar hai
Kal fir se faslen aayenge
Jo dil ko bhed gaye karmi
Vo bhi utsav manayenge
***
Kuch lamhe, kuch baaten
Kuchh sahmi sahmi aahen
In vigat dino ke darshan ke
Kuch khatti mitthi baaten
Ek ladki, Ek Ladka
Kuch chauke, phir chakka
Ek pyar ki kasti aage aage
Saahil par dhoom machale, pyare
Saahil par dhoom machale ee
***
Vo mask me jati ladki se
Jab naam sihar kar poocha tha
Jab naam sihar kar poocha tha
Jab naam sihar kar poocha tha
Vo tab muskai, paas bhi aai
Boli – dekh irada kya hai?
Main socha kuch nahi bahut
Aur bola – tera style pasand hai
Mask hata de apne mukh se
Achchi wali smile pasand hai
Mask hata de mere haq se !
Phir se has de sacche dil se !
***
Usne poocha mujhse aise jhallahat se
“Atanki ho? Koi gairat nahi, Koi sharm nhi”
“Main abla nhi main nari hoon”
“Main ek visfotak kyari hoon”
***
Are nahi balike, soundarya bharti
Tere mask ke peeche saavan hai
Tera roop mujhe manbhavan hai
Na ho nirash mere arpan se
Le swaym ko dekh is darpan se
***
“Shringar bhool gai mahino se”
“Nirdesh jahan ka aisa hai”
“Main bhi ab ek paheli hoon”
“Mukh par rach di rangoli hoon”
“Tum aaye lo kuchh gyat hua”
“Mahino baad aisa sanwad hua”
“Lo tumko maaf main karti hoon”
“Ab bolo kaha chale, main chalti hoon”
***
Baaten hui, Kuch virodh hua
Anjaan mukhon ka udghosh hua
“Chal chai point par chalte hai”
Lockdown ki hai tadap bahut,
Uspaar hi madhuvat dhalte hain
***
Kuch lamhe, Kuch baaten
Kuchh sahmi sahmi aahen
Khabro ka hota tar tar
Dilbar mil jata tum sa yaar
Main deevana, woh ek paheli
Likhne baithe the hum rangoli
***
Ek pizza tha, ek burger tha
2 lite sarikhe coffee tha
Bill mujhko dene diya nahi
Aur chocolate dekar chalti bani
Telegram par dhanyad kah
Dil me woh arman jaga di
Mere sundar vaahan par
Aakar wah shringar laga di
Ye lockdown ka version hai
Jo fir se badh jata hai
Hum pyar ke panchi ghayal hain
Ye ishq hi marham lagata hai
***
Kuch lamhe, kuch baaten
Kuch sahmi sahmi aahen
Un andekhi muskano me,
Ab thamne lagi hai baahen
In prem deewani nayano ko
Ab benakab ho saasen
Kuch lamhe, kuch baaten
Kuch sahmi sahmi aahen
Kuch sahmi sahmi aahen
Ab benakab ho saasen
Ab benakab ho saasen
____________________________
Author: Prabhat Kumar